2008年7月29日

如果申請佐債務重組後，係咪唔可以再問財務公司借錢？如果再向財務公司借錢，是否犯法？

申請債務重組後, 絕對不能再向財務公司借錢的

2008年7月28日

本人共欠錢如下
HSBC : 90000 已做 IVA 每期供1835
PROMISE : 35000 每期供2000
CITI : 24000 每期供1800 < 09 年 9月供完
HUNG SENG : 13000 每期供1382 < 09年 4月 供完
HUNG SENG VISA : 9000
2 財務 : 10000 每期供750
~~~~~~~~~~~~~~~~~~~~~~~~~~~~~~~~~~~~~~
我要供樓 6000/MONTH
家用:2000

我人工13300/MONTH

其實我已經個個月問人借錢,我已經好累和無辦法了

HSBC應該是做了DRP, 而不是IVA

因為IVA是統一你的債項, 如果閣下人工與欠債比例達十五倍以上, 可以考慮申請債務重組IVA, 因為成功申請後, 供款大約人工四成半至五成左右, 會比你現時的還款減少很多。

至於供樓你要和你的家人商量, 因供樓已佔了你人工一半。

2008年7月25日

本人月薪約8千元, 但欠下card 數+財務約16,000元正, 可否做到債務重組, 而做重組既費用要幾多錢ga! 可以去邊到做, 仲有係咪一次過要比晒錢先可以做到, 需要幾耐時間

如果債權人有三個以上，而人工與欠債比例達十五倍以上就已達到申請的基本要求。

而做重組費用大約18000-20000左右，是可以分期的，通常是在申請期的四個半至五個月內分期。

2008年7月22日

我欠咭數銀行私人貸款加埋都有15、6萬，我想問我做唔做到債務重組，我自己供緊樓會唔會有影響？

我想問我做唔做到債務重組？

要視乎你的收入，如果人工與欠債比例達十五倍以上，成功基會比較大

我自己供緊樓會唔會有影響？

都要視乎你的物業是私人樓還是居屋，聯名還是單名，所以暫時都不能夠分析閣下是否適合申請債務重組。

2008年7月21日

想做結餘轉戶...月入 9500

欠債情況如下:

Aeon $1439 x 31
DBS $ 650 x 8
DS $913 x 42

由於我有遲還款...DS果度仲欠緊遲交...
不過5月份時,,,我已將我既一筆清左我之前恆生一個做左 drp 既卡數...
約萬餘元...請問咁樣會唔會提高我既信用評級...

P.S!!!我本來已同銀行自己傾左做債務舒緩...係咪應該已經做唔到結餘轉戶呢??

這樣是不會提高你的信貸記錄評級。

不同銀行或不同財務公司都有不同制度, 而且你之前已經申請過一筆清清數, 所以他們有可能不會接納你的申請。

2008年7月18日

想請教專業意見 !! 我個case 如下:

2財務 : HK$ 200,300 (48個月, $ 7843 / 月, 還�� 12個月,冇遲交!)
PROMISE : HK$ 18,000 (18個月,$ 1500/月,還��6個月,冇遲交!)
恆生CARD: HK$ 15,000 ( 比緊 MIN. PAY )
CITI CARD: HK$ 18,000 ( 比緊 MIN. PAY )
AEON CARD: HK$ 9,000 ( 比緊 MIN. PAY )

月薪而家係HK$ 16,500

1) 想把所有數用結餘轉換方法做一筆清,是否會平息D ? 批�鵀釆あ陷X高? 向銀行APPLY 定 向財政 APPLY 會機會大D 呢 ?

2) 需唔需要去到債務重組呢一步????

你的情況不適合申請一筆清, 因為人工與欠債比例要低於十倍才有機會申請成功。

債務重組iva又不適合申請, 因為倍數要達十五 倍以上。

不過, 閣下可嘗試申請債務舒緩drp, 但是未必每間都會接受申請。可以致電諮詢, 這間是不成功不收費的。

2008年7月17日

本人因理財不善 ,引致負債累累,現在共欠2間銀行卡數$14,998 ,每月最低還款額大約是HK$450元,佔去本人薪金的1/4 (本人月薪$2000) , 本人always on day 還款,生活受到嚴重影響

本人很希望可以還清所有欠款,重過新生活

現想請教各位,我還有其他方法可行嗎?

找債務重組公司?(本人早前也申請過,但就因為負債情況未到他們要求的水平而被拒)

UA財務, 邦民日本財務 , 安信也申請過, 但就因為月薪$2000 very little而被拒)

人工每月$2000實在太少了, 銀行、財務公司都不會接受你的申請。

2008年7月16日

我大約欠$150000,2間財務&信用card
我月入只有$9000,想做債務重組,應該去財務公司做?or銀行?or律師行?
我份係新工,只做了一個月,批既機會大唔大?

你的情況應該都比較適合申請債務重組, 因你的人工與欠債比例達十五倍以上, 如果是新工的話, 最好有合約, 成功申請機會比較大。

申請債務重組應該找會計師樓, 因為閣下的還款建議書是由會計師為你的代名人草擬, 所以他們最能明白你的欠債情況, 與你的債權人開會, 商討一個新的還款方案

2008年7月15日

您們好!其實我想問下我可否申請債務重組, 我又是申請邊樣債務重組呢? 我月薪大約有$9000, 但我還款額好多, 又要比家用屋企, 所以好吃力, 所以希望你們可以幫忙解答, 或者仲有無其他辦法,

詳細財務如下:
大眾財務: $68000 - 每月還款:$3588 (大約仲有19個月還款期)
UA: $40000 (UA E-CASH) - 每月還款: 大約$2000
UA: $10000 (私人貸款) - 每月還款: $1080 (大約仲有9個月還款期)
AEON 信用咭: $35000 -每月還款: 大約$1200

由於你的人工與總欠債倍數約16倍, 一般銀行或財務公司都不會接納一筆清申請(多數少於十倍才有機會成功申請一筆清)

而閣下的情況, 可嘗試申請債務重組iva。

IVA - 統一債項，經法庭的重組，由律師經法律程序申請， 會計師與債權人磋商一個較低利息，較長年期之還款方案，一般適合債項數目較多、欠債較大的債務人。如若適合申請IVA的話， 一般債權人要求人工四成半至五成為供款，絕對可以減輕你每月還款

2008年7月14日

當初用聯名向大眾借左 250000
之後陸陸續續向UA.. .20000
迅達...... .10000
�擢@......60000
街數大約..25000
因為屋企有事...近四個月己經還唔到大眾...
己經比左追數部...究竟係咪無辦法?
(債務重組話幫我唔到啦)

你的情況債務重組真是不適合你, 因為大眾聯名而且還佔了大數, 唯一可以解決的方法便是破產。

2008年7月11日

1. IVA 申請期間, 有某些銀行中介人話要俾min-pay, 例如恆生, AIG, Citi, 如果我唔俾min-pay, 會唔會影響個IVA 申請?
2. 其實佢地打0左好多電話俾我, 但我一個都冇接, 會唔會有問題?
3. 咁呢0的銀行會唔會派收數上門?

1. IVA 申請期間, 有某些銀行中介人話要俾min-pay, 例如恆生, AIG, Citi, 如果我唔俾min-pay, 會唔會影響個IVA 申請?

絕對會影響你的申請, 因為iva是要你75%債權人通過才成功申請iva。

2. 其實佢地打0左好多電話俾我, 但我一個都冇接, 會唔會有問題?

會

3. 咁呢0的銀行會唔會派收數上門?

不同銀行有不同制度, 若果真是申請了iva, 最好根據代名人意見遵守iva的程序, 否則只會令你的債權人覺得你沒有誠意還錢, 那就不好了。

2008年7月10日

我月薪 $ 9,500, 扣除 MPF $ 9,025

我想申請結餘轉戶, 但係今個月試過申請AEON 信用卡, AIG 及花旗都被拒絕。債務如下:-

1) AEON 信用卡: 55,000 + 8,000
2) AEON 貸款: 15,000 (7月新數)
3) PROMISE: 99,000
4) UA: 13,000 (循環)
5) 花旗: 25,000

以你的欠債與人工比例達十七、八倍, 相信財務公司及銀行都不會接受你的結餘轉戶申請。

有另一個方法"債務重組iva"應該比較適合你

IVA個人自願安排 ( Individual Voluntary Arrangement)

IVA-統一債項，經法庭的重組，由律師經法律程序申請， 會計師與債權人磋商一個較低利息，較長年期之還款方案，一般適合債項數目較多、欠債較大的債務人。如若適合申請IVA的話， 一般債權人要求人工四成半至五成為供款

2008年7月9日

我有IVA記錄但已全數清還。 現正找新工作。如本人條件合適該空缺，銀行，保險公司或基金資產管理公司會否只因我有IVA記錄而不聘請我？

要視乎你是什麼時候還清iva債項, 因環聯信貸料庫不會即時update你的資料, 而不同機構會有不同制度, 如果工作是和金錢上有關的, 相信會比較難受聘請。

2008年7月8日

01-02年左右，本來欠落�階插B東亞、AEON 既卡數、私人貸款。一直有還開錢 ，點知一失業就大半年 , 沒有辦法還錢。最後，財務上門追數，一定要我一次過全數還 , 而且又無傾既餘地, 所以唯有避債。一走左就5年，期間我無申請過信用卡或者係借銀行錢...

最近，我的起心肝想解決佢，重新做人。去左環聯信貸資料庫check過，所有銀行係2003年，將我列入撇帳賬目後，就只顯示當時的欠款總數，加加埋埋有9萬幾。我想問2003-08年既欠款又會係點?仲會計梗息嗎?

有朋友叫我繼續走數啦，可能已經天文數字，係我還唔起。請問我有冇彎轉呢? 從頭到尾，我都唔係有心想唔還，只係唔知點做咋?

宜家我份正職-designer，算係專業行業。
仲有冇銀行肯幫我一筆消，利息仲有可唔可以傾? 還是搵債務重組?

如果是有心清還舊債, 相隔五年的數一定要致電你的債權人問現時的總結欠。

有一份正職, 如果總欠債是人工的比例達十五倍以上, 債權人三個以上, 見議可以申請債務重組iva。

因為若果你的債權人通過你的申請, 供款大約人工四成半至五成左右, 所以閣下可以考慮一下。還清款項可以重新做人。

2008年7月7日

我宜家有成十幾萬卡數係身，但係我都只得7000人工，又要由上水番中環番工!!!!
真係還唔到，如果我要申請破產得唔得呢??
我份工係過數出糧架喎.咁得唔得架呢???

如果真是負擔不到的話，你的情況?對可以申請破產，而破產後會保留一個出糧戶口的，不用擔心。

2008年7月4日

正在辦理債務重組，要到8月中才有法庭令，已通知及fax臨時法庭令給有關財務公司，這段時間ua�N否上門追數或用其它惡手法迫事主清數呢？

如果已出fax臨時法庭令，一般他們收到後都不會繼續迫事主清數。

否則閣下可聯絡你的代名人，再由他們聯絡ua詢問是否已收到閣下的臨時法庭令。

2008年7月3日

我想問問關於DPR既資料

如果我想試下同銀行傾DRP

我應該點做?係咪直接打去客戶熱線度傾?

定係要親身上去呢?洗唔洗再俾?文件銀行架?

成個過程大約幾耐度呢?

請幫幫手，唔該哂...

如果自已與銀行傾不是打去客戶熱線到傾，而是聯絡閣下債權銀行或財務公司的債務重組部門。

第一次可以先致電，若果要文件便親身上去。

DRP債務舒緩計劃 (debts relief plan)

DRP-不經法庭的重組，由會計師草擬建議書與個別債權人協商新的還款方案，舒緩每月還款壓力。一般適合欠債較少的債務人DRP之基本條件，是債務人總欠債必須超過月薪十倍或以上(意即月薪HK$10，000.00，總欠債必須超過十萬以上)

或者閣下可以考慮找一些顧問公司申請drp，經公司申請會比自己與債權人傾的分期及每月還款額可以分得更長，而且是不成功不收費的。

2008年7月2日

因為小弟條數俾顧問睇過，佢見我有條數係荷銀私貸，佔巴百分比亦已經多出於25%...
佢一係叫我博下做iva， 但若果荷銀投反對做iva(佢話大機會投反對，因為我只還左一年)，咁我係即時知道申請唔成功....

佢另一個方法叫我還清佢先申請iva，
但我做得iva又何來有額外錢還清荷銀條數....
左計右計得知一個方法就係:
用私底下既萬零蚊+中銀master卡+citi visa卡+問左親戚借餘額
但我iva已經包埋兩張中銀既卡數合共20000蚊，citi本身亦有私貸在還款....用以上咁既做法， 未變相將其他數既債權人既百分比加大..

因為本人已還左一年，但發覺冇力再還，咁究竟債權人既百分比係用你開頭借既本金做base，定係點呢? 真係好亂，希望有專業一士解答。

確實荷蘭銀行是有很大機會會投反對票，而亦因你荷蘭佔你的總欠債超過25%， 所以必定要在申請iva前清還荷蘭的欠債才能有較大機會申請成功。

而債權人佔的百分比是以你申請iva起現時總結欠計算，因不清楚你其餘的欠債分佈， 所以都很難幫你分析用那一個方法會較為適合。

你的情況因要先清還荷蘭銀行的欠債，所以會較為吃力，但若果申請成功iva後， 你每月的供款大約佔你人工四成半至五成左右。如果真是負擔不到的話，最後的選擇唯有破產。

2008年7月1日

我月入30000，但欠銀行卡數加貸款360000，想集中一個戶口還， 但我知自己信貸評級低，因為好多時都會遲十幾日先交，所以想問有邊間銀行/財務可以做到(我唔要ua)，仲有我試過問花旗佢話做唔到，請各位俾意見，主要我唔想用破產呢個方法

因你的欠債與人工比例倍數12倍，申請一筆清的成數會比較低，因為申請一筆清需符合 - 人工與欠債比例的倍數十倍以下及沒有曾逾期還款， 財務公司才會接納你的申請。

另一個方法可以嘗試申請DRP債務舒緩計劃，雖然不能將你的債項集中清還，但這計劃絕對可以減低你的每月還款， 但DRP並不是每間銀行或財務公司都會接受申請，而暫時我也不清楚閣下有那幾個債權人，所以不知道這方法是否適合你。